जीवनाच्या वाटेवरती
कुणीच नाही माझा साथी
मीच माझा असा एकटा!
आयुष्याच्या वाटेवरती
भेटली मज अनेक नाती
सुखात माझ्या सारे सोबती
दुःखात मात्र विसरुन जाती
मीच माझा असा एकटा!
जगती या अंधाराच्या
सावली दिसते संकटाची
देण्यास धैर्य प्रसंगी या
भेटले मज कुणीच नाही
मीच माझा असा एकटा!
एकी समवेत स्वप्न पाहिले
तिच्या चरणी सर्वस्व वाहिले
तिनेच मजला सावरले
पाहूनी सारे जगही बावरले, तरिहि
मीच माझा असा एकटा!
नशीबाने मजसंग घात केला
स्वप्नांनाही तो तोडून गेला
प्रेमास माझ्या द्रुष्ट लावूनी
मजपासून तिला हिरावून गेला, म्हणूनी
मीच माझा असा एकटा!
जीवनावर माझ्या बसला पहारा
आता नाहि मजला कुणीच सहारा
एकटेच जगणे एकटेच मरणे
जीवनाट एवढेच भोग उरले
मीच माझा असा एकटा!
-:रवि विश्वासराव (कवी)
(मीच माझा असा एकटा! - काव्यसंग्रह)
No comments:
Post a Comment