प्रेमात हवयं मन
तुझ्या भेटीसाठी तरसणारं
पावसाच्या ढगांसारखं
उन्हाळ्यातही बरसणारं
—————————–
प्रेमाच्या मार्गावर मी
पाहतोय तुझी वाट
जगासमोर स्वीकार करु प्रेमाचा
ठेवून मान आपली ताठ
—————————–
लोकं असं म्हणतात की,
जसं करावं तसं भरावं
पण हा कुठला नियम की,
सदैव प्रेम करणा-यांनीच मरावं
—————————–
अमावस्येच्या रात्री सर्वांना
चांदण्या प्रकाश देत असतात
याचा अर्थ असा नाही की,
त्या चंद्राची जागा घेत असतात
—————————–
एकदा माझ्या अंगणत
पाऊस घनघोर बरसत होता
खरतर आपल्यातला दुरावा पाहून
तो अश्रुंच्या धारा सांडत होता
—————————–
लोकांना सवय असते
दुस-याच्या कामात नाक खुपसायची
दुस-यांची गुपितं उघड्यावर आणून
स्वतःची मात्र लपवायची
—————————–
-:रवि विश्वासराव (कवी)
(प्रेमस्पर्श-चारोळी संग्रह)
No comments:
Post a Comment