प्रेम म्हणजे काय असतं
हे मला कोणी सांगेल का?
नयनांतून जन्म घेऊन
शब्दसूरांच्या मार्गाने ते
ओठांतून निघून
ह्रदयापाशी पोहोचणे
याला प्रेम म्हणतात का?
आपल्याला आवडणा-या
एका व्यक्तीच्या सहवासात
मिळालेले आनंदाचे क्षण
ह्रदयाला टोचल्यावर
जो जिव्हाळा निर्माण होतो
याला प्रेम म्हणतात का?
दोन व्यक्तिंनी एकमेकंना समजणं
एकमेकांच्या भावना जाणून
अंतःकरणातून सर्वस्वी
त्यालाच आपलं मानणं
याला प्रेम म्हणतात का?
एकाच्या सुखासाठी दुस-याने
स्वतःच्या जीवनात दुःख पेरणं
त्या पेरलेल्या दुःखातही
स्वर्गसुखाचा अनुभव घेणं
याला प्रेम म्हणतात का?
(मीच माझा असा एकटा! - काव्यसंग्रह)
-:रवि विश्वासराव (कवि)
No comments:
Post a Comment