आठवतात ते दिवस!

तिला एक नजर पहायला
तिच्याशी दोन शब्द बोलायला
तिच्या एका भेटीसाठी तरसणारे
आठवतात ते दिवस!
तिच्या घराजवळच्या वळणावर
तिच्या खिडकीकडे पाहत
ती आत्ता येईल या आशेने
तासनतास तिची वाट पाहत
उम्मेदिने भरलेले माझे डोळे
आठवतात ते दिवस!
संध्याकाळी तिंच फिरायला जाणं
फिरुन तिच पुन्हा घरी येणं
मधल्या त्या वेळेत
माझ्या मनाचं तळमळणं
त्या तळमळण्यातसुद्धा
गोडी निर्माण करणारे
आठवतात ते दिवस!
तिचा होकार मिळवण्यासाठी
मनाला वाट्टेल ते करणं
मैत्रीणींना तिच्या मस्का मारणं
मैत्रीणींना लाडीगोडी करुन
तिचा होकार मिळवून देणारे
आठवतात ते दिवस!
आज तिचंही माझ्यावर प्रेम आहे
पण तिच्या घरातल्यांमुळे
ती माझ्यापासून दूर आहे
तिच्या विरहाच्या दुःखात
जुन्या आठवणींचं मलम लावणारे
आठवतात ते दिवस!

(मीच माझा असा एकटा - कविता संग्रह)
-:रवि विश्वासराव (कवि)