स्वप्न ज्याचे पाहिले मी
वास्तवात ते उतरावं
प्रतिक तुझ्यानि माझ्या प्रेमाचं
एक सुंदरासं असावं
घर तुझं माझं!
डोंगराच्या पायथ्यावरती
नदिच्या त्या काठावरती
फुल झाडांच्या मधोमधी
निसर्गकुशीत ते बाधांवं
घर तुझं माझं!
भिंतींनी इंद्रधनूच्या रंगात न्हाऊन
छत देण्या आभाळानेही यावे धाऊन
चंद्रचांदण्यांनी प्रकाश देऊन
स्वर्ग स्वप्न तेथे साकारावं
घर तुझं माझं!
तिथे असावा प्रेम जिव्हाळा
सुखांचाही तेथे लागावा मेळा
छोट्या पाखरांनी होऊन गोळा
प्रेम फुलांनी ते सजवावं
घर तुझं माझं!
सुखांच्या पावसाने
प्रेमाच्या सावलीने
स्वप्नांच्या संगतीने
तुझ्या माझ्या विश्वासाने
असावं भरलेलं
घर तुझं माझं!
सुखात आपण नांदू त्यात
संसार आपला सजेल ज्यात
आपल्यातल्या अनमोल नात्याने
प्रेमाच ते प्रतिक बनावं
घर तुझं माझं!
-:रवि विश्वासराव (कवि)
(मीच माझा असा एकटा! - काव्यसंग्रह)
kharch chan aahe kavita...
ReplyDelete