माझ्या स्वप्न आणि शब्दांच्या या भावविश्वात आपले हार्दिक स्वागत! © सर्व हक्क सुरक्षित २०१० ©
!! आजचे सुभाषित !!
!! आजचे सुभाषित !!
फ़क्त स्वत:साठी जगलास तर मेलास आणि स्वत:साठी जगून दुसऱ्यांसाठी जगलास तर जगलास !
Tuesday, May 18, 2010
तुला पहिले मी....
डोळ्यांतून दाखवताना
मनात सारे लपविलेले
ऐकविताना शब्द मजला
ओठांवर न आलेले
तुला पहिले मी....
पाहताच मला कोठे
बिथरून तुझे जाणे
नजर चुकविता मजपासुनी
पाय तुझे थरथरलेले
तुला पहिले मी....
जगावेगळी अदा तुझी
होकार असूनही नकार देसी
फसवुनी उभ्या जगाला
कोडे प्रेमाचे घातलेले
तुला पहिले मी....
शब्द माझे बहरून येती
तुझ्याच सप्त सुरांतुनी
रुसवा फुगवा धरून मनी
गीत माझे गायलेले
तुला पहिले मी....
सुखात माझ्या हसणे अन
दु:खात अश्रू ढाळताना
धरून उगाच मनी अबोला
नाजूक बहाणा करताना
तुला पहिले मी....
चुकताना पाऊल माझे
तूच आलीस सावरायला
लपवूनी ते अपराध माझे
जगसामावेत भांडताना
तुला पहिले मी....
- रवी विश्वासराव (कवी)
(स्वप्नांच्या वाटेवरती - काव्यसंग्रह)
Subscribe to:
Post Comments (Atom)
छान आहे कविता...
ReplyDelete