प्रेम म्हणजे;
उंच आकाशात चमकणारा तारा की,
हळूवार अंगाला स्पर्श करणारा वारा
प्रेम म्हणजे;
धरतीच्या उरात चालणारा नांगर की,
पडणा-या विजेला स्वःतात सामावून घेणारा सागर
प्रेम म्हणजे;
भर उनात झाडाकडून मिळणारी छाया की,
आईची आपल्या मुलावरील माया
प्रेम म्हणजे;
वणव्याच्या आगीत जळणारं जंगल की,
दुस-याला सुवास देण्यासाठी झिजणारं चंदन
प्रेम म्हणजे;
मनातल्या प्रेमळ भावनांचा खेळ की,
आपुलकिचा आणि विश्वासाचा मेळ
-:रवि विश्वासराव (कवी)
(मीच माझा असा एकटा - कविता संग्रह)
No comments:
Post a Comment