मी लेक माझ्या बापाची
सोडून माहेर वाट चालते सासरची
आईच्या मायेची
बापाच्या छायेची
ओढ मनी माझ्या
माहेरच्या अंगणाची
सोडून हे सारे बंध
जोडू कशी नवीन नाती सासरची
बापाचे बोट धरून चालली
आईच्या पदराखाली वाढली
आठवणी या उरी घेउनी
आज मी लेक बापाची
सोडून माहेर सासरी चालली
सरू लागले क्षण वेगाने
घटिका जवळ येऊ लागली
पडता अक्षता तुटतील बंध
उरतील फक्त आठवणी
मी लेक माझ्या बापाची
सोडून माहेर वाट चालते सासरची
(स्वप्नांच्या वाटेवरती - कविता संग्रह)
-: रवी विश्वासराव (कवी)
No comments:
Post a Comment