माझ्या दरवाजात यम आला
त्याला मी आत ये म्हटलं
मला न घेताच तो निघून गेला
कारण तुझ्यासाठी माझं प्रेम पाहून
त्याच्याही डोळ्यात पाणी साटलं
-----------------------------
लोकं म्हणतात
ज्याची जळते त्यालाच कळते
याचा अर्थ असा नाही की,
जाळणा-यालासुद्धा जळणा-याची व्यथा कळते
-----------------------------
लोक म्हणतात दगडाच्या मुर्तीत
दैवीशक्तिंचं सत्व असतं
आपल्यावर प्रेम करणा-या व्यक्तीवरचं
प्रेम करावं
हे सुखी आयुष्याचं तत्व असतं
-----------------------------
प्रेमाला शोधत मी
जगभर फिरलो
प्रेम तेव्हा सापडलं मला
जेव्ह तुझ्या गावात शिरलो
-----------------------------
आपल्या प्रेमाची चर्चा
आता गावातही सुरु झालीय
मला वाटतं आपल्या लग्नाची
वेळ जवळ आलीयं
-----------------------------
सारं काही उत्तम असूनही
एखादी मैफल रंगत नाही
आयुष्यभराची तुझी साथ मागतोय
क्षणभराची संगत नाही
-----------------------------
अति अपेक्षा करणं
नातं तुटण्याचं लक्षण आहे
पण ते तुटणारं नातं सावरण्यासाठी
मी अजूनतरी सक्षम आहे
-----------------------------
सुंदरतेची स्तुती तोच करतो
ज्याला सुंदरतेची जाण आहे
सुंदरता पाहूनही स्तुती न करणं
हा सुंदरतेचा अपमान आहे
-----------------------------
-: कवी रवी विश्वासराव
(प्रेमांकुर - चारोळी संग्रह)
No comments:
Post a Comment